აშშ-მა დაასუსტა ირანის საჰაერო თავდაცვა და გაანადგურა ირანის ასობით ბალისტიკური რაკეტა და დრონი, გავანადგურეთ 17 ირანული გემი, – ამის შესახებ ადმირალმა, ბრედ კუპერმა განაცხადა.
მისი თქმით, ირანში მიმდინარე ოპერაციის ფარგლებში 2 000 სამიზნეს დაარტყეს და 17 ირანული გემი გაანადგურეს.
„ათწლეულების განმავლობაში ირანის რეჟიმი ავიწროებდა საერთაშორისო გადაზიდვებს. დღეს არაბეთის ყურეში, ჰორმუზის სრუტეში ან ომანის ყურეში არცერთი ირანული გემი არ იმყოფება და ჩვენ არ გავჩერდებით“, – განაცხადა კუპერმა.
მისი თქმით, ოპერაციაში 50 000-ზე მეტი ამერიკელი ჯარისკაცი და 200-ზე მეტი გამანადგურებელი თვითმფრინავია ჩართული, დარტყმები 24 საათის მანძილზე, ყოველ წამს მიმდინარეობს.
ამასთან, ადმირალმა აღნიშნა, რომ ირანმა საპასუხოდ, სხვადასხვა მიმართულებით 500-ზე მეტი ბალისტიკური რაკეტა და 2 000-ზე მეტი დრონი გაუშვა.
„ისინი განურჩევლად, მშვიდობიან მოსახლეობას ესხმიან თავს. ჩვენ არ გავჩერდებით. ჩვენ გავაგრძელებთ ოპერაციების ჩატარებას“, – აღნიშნა კუპერმა.
