აშშ-ის სახელმწიფო მდივანმა, მარკო რუბიომ განაცხადა, რომ ჰორმუზის სრუტე საერთაშორისო წყლებს წარმოადგენს და არცერთ სახელმწიფოს არ აქვს უფლება მისი გამოყენებისთვის გადასახადები დააწესოს.
ბაჰრეინში გამართულ შეხვედრაზე რუბიომ აღნიშნა, რომ საერთაშორისო საზღვაო მარშრუტების გამოყენებაზე საფასურის დაწესება გლობალური სავაჭრო სისტემისთვის სერიოზულ საფრთხეს შექმნის.
„ჰორმუზის სრუტე საერთაშორისო წყლებს წარმოადგენს. საერთაშორისო საზღვაო მარშრუტები არცერთ სახელმწიფოს არ ეკუთვნის. თუ დავუშვებთ, რომ მათი გამოყენებისთვის გადასახადების დაწესება შესაძლებელია, მაშინ სამყარო ქაოსში ჩაეშვება“, – განაცხადა რუბიომ.
მისივე თქმით, აშშ არ მიიღებს პრაქტიკას, რომლის მიხედვითაც რომელიმე ქვეყანა საერთაშორისო საზღვაო გზების კონტროლის ან მათი გამოყენებისთვის გადასახადის დაწესების უფლებას მოიპოვებს.
წყარო: მარკო რუბიოს განცხადება ბაჰრეინში, სპარსეთის ყურის ქვეყნების საგარეო საქმეთა მინისტრებთან შეხვედრაზე.
