კოლუმბიაში 10 აგვისტოს მომხდარი ძლიერი მიწისძვრის შედეგად დაღუპულთა რაოდენობამ 250-ს გადააჭარბა. Reuters-ის ინფორმაციით, ბოლო მონაცემებით, სტიქიას 254 ადამიანი ემსხვერპლა.
კოლუმბიის ხელისუფლების ცნობით, დაღუპულთა შორის 101 ადამიანი ქალაქ პერეირაში, ხოლო 95 ქალაქ კალიში დაიღუპა.
დასავლეთ კოლუმბიაში სამძებრო-სამაშველო სამუშაოები ამ დრომდე გრძელდება.
ამასთან, ევროკომისიის პრეზიდენტმა ურსულა ფონ დერ ლაიენმა განაცხადა, რომ ევროკავშირი კოლუმბიის დასახმარებლად 2 მილიონ ევროს გამოყოფს. თანხა მიწისძვრის შედეგად ყველაზე მეტად დაზარალებული რეგიონების მოსახლეობის დახმარებას მოხმარდება.
შეგახსენებთ, 10 აგვისტოს კოლუმბიაში 7.4 მაგნიტუდის მიწისძვრა მოხდა. ეპიცენტრი სან-ხოსე-დელ-პალმარის მუნიციპალიტეტში მდებარეობდა. სტიქიის შემდეგ კოლუმბიის მთავრობამ ქვეყნის მასშტაბით საგანგებო მდგომარეობა გამოაცხადა.
