ევროკავშირმა რუსეთის წინააღმდეგ ახალი სანქციები შეათანხმა. ამის შესახებ ინფორმაციას საფრანგეთი ავრცელებს, რომელიც ამჟამად ევროკავშირის თავმჯდომარე ქვეყანაა.
„მას შემდეგ, რაც დოკუმენტს ხელს ევროკავშირის ქვეყნების ლიდერები მოაწერენ, ევროკავშირი უარს იტყვის რუსეთიდან ქვანახშირის იმპორტზე, დაწესდება ემბარგო რუსეთისთვის იარაღის მიწოდებაზე, შეზღუდავს სატვირთო და საზღვაო გადაზიდვებს რუსეთიდან და ბელარუსიდან, შემოიღებს აკრძალვას რუსული ხიზილალას და არყის იმპორტზე. კიდევ უფრო შეზღუდავენ რუსეთში თანამედროვე ტექნოლოგიების ექსპორტს და ასევე დააყადაღებენ ზოგიერთი რუსული სახელმწიფო ბანკის აქტივებს", - ნათქვამია გავრცელებულ ინფორმაციაში.
როგორც „ტვიტერით" გავრცელებულ განცხადებაშია აღნიშნული, სანქციები ასევე დაწესდება რუსი ოლიგარქების, პროპაგანდაში ჩართული პირებისა და სამხედრო და უსაფრთხოების სფეროში მომუშავეთა წინააღმდეგ.
ახალი სანქციები ევროკავშირის ჟურნალში ხვალ გამოქვეყნდება და შესაბამისად ძალაში შევა.
