არაერთხელ იქნა გაცხადებული, მათ შორის „ნაციონალური მოძრაობის“ მიერ, რომ ტერიტორიული მთლიანობის აღდგენის გზა არის მშვიდობიანი გზა, – ამის შესახებ „ნაციონალური მოძრაობის“ წევრმა, დეპუტატმა რომან გოცირიძემ განაცხადა.
მისი თქმით, ტერიტორიული მთლიანობის აღდგენის საკითხზე საქართველოს პოზიცია ძალიან დიდი ხანია, ნათელია.
„ჯერ კიდევ „ნაციონალური მოძრაობის“ დროს პირველად მიხეილ სააკაშვილმა განაცხადა, რომ არასდროს გამოიყენებს ძალას რუსეთის მიერ ოკუპირებული ტერიტორიების მისაერთებლად, თუ შეიძლება, ასე ითქვას. მხოლოდ და მხოლოდ მშვიდობიანი პოლიტიკური გზით შეიძლება ქვეყნის ტერიტორიული მთლიანობის აღდგენა. არაერთხელ იქნა გაცხადებული, მათ შორის „ნაციონალური მოძრაობის“ მიერ, რომ ტერიტორიული მთლიანობის აღდგენის გზა არის მშვიდობიანი გზა. ვინ რა განცხადებებს გააკეთებს და შემდეგ ხელისუფლება რა ინტერპრეტაციებს გააკეთებს, ეს არის მათი სინდისისა და ნამუსის საქმე“, – განაცხადა რომან გოცირიძემ.
