მსოფლიო ბაზრებზე საწვავის ფასი ისევ იზრდება. ლონდონის ბირჟაზე Brent-ის ტიპის საწვავის ფასმა ბარელზე 111,4 დოლარს გადააჭარბა. ამასთან, იზრდება ფასი ამერიკულ ნედლ ნავთობზე. WTI-ის ტიპის საწვავი 108,7 დოლარი ღირს. არადა, რამდენიმე დღის წინ როგორც Brent-ის, ასევე WTI-ის ტიპის საწვავის ფასი 100 დოლარზე ნაკლებადაც კი ივაჭრებოდა.
მსოფლიოში საწვავის გაძვირება ევროსაბჭოს მიერ რუსულ ნავთობზე ემბარგოს შესაძლო დაწესება განაპირობებს. ახლა მოვაჭრეების ყურადღების ცენტრშია OPEC+-ის შეხვედრა, რომლის შედეგადაც მოსალოდნელია გადაწყვეტილება წარმოების მცირე მოცულობით ზრდის შესახებ.
OPEC+-ის ტექნიკური კომიტეტის ექსპერტებმა რეკომენდაცია გაუწიეს ალიანსის გეგმის დაცვას ივნისში ნავთობის მოპოვების კვოტის დღეში 432 ათასი ბარელით გაზრდის შესახებ.
