„პოლიტიკური პროექტი, რომ ნიკა მელია გმირად გამოსულიყო საპატიმროდან, დასრულდა," - განაცხადა დღეს, 10 მაისს, უმრვალესობის წევრმა, გიორგი ამილახვარმა.
მისივე თქმით, ევროკავშირის მიერ გირაოს გადახდით მოხდა იმის დადასტურება, რომ ევროკავშირი ქართულ მართლმსაჯულებას პატივს სცემს.
„ევროკავშირი არ უხდის გირაოს ე.წ. პოლიტპატიმრებს. პირიქით, ამ ქმედებით კიდევ ერთხელ მოხდა დადასტურება, რომ ევროკავშირი პატივს სცემს ქართულ მართლმსაჯულებას, გირაოს თანხის გადახდა სრულად მოდის პროკურატურის ქმედებასთან თანხვედრაში. ეს რომ ყოფილიყო პოლიტპატიმრის საქმე, ევროკავშირს არ უჭირს აღიარება და სხვა მექანიზმებით ამის მოთხოვნა, რომ კონკრეტული პირი არის პოლიტპატიმარი," - აცხადებს ამილახვარი.
შეგახსენებთ: „ნაციონალური მოძრაობის" თავმჯდომარის, ნიკა მელიას გირაოს თანხა ევროკავშირმა 8 მაისს გადაიხადა. დღეს, 10 მაისს, თბილისის საქალაქო სასამართლოში პროცესი 16.00 საათზე გაიმართება, რა დროსაც, სავარაუდოდ, ნიკა მელია პატიმრობიდან გათავისუფლდება.
