ჩვეულებრივ სიტუაციაში უკრაინა ევროკავშირის კანდიდატი ვერ იქნებოდა, ამას ომის გამო ვაკეთებთ, – ამის შესახებ საფრანგეთის პრეზიდენტმა, ემანუელ მაკრონმა ფრანგულ ტელეკომპანია „ბიეფემ“-თან ინტერვიუში განაცხადა.
მაკრონის თქმით, უკრაინა ევროპული ოჯახის ნაწილია.
„გზა გრძელი იქნება, მაგრამ ეს არის იმედის ნიშანი. ეს ასევე არის რუსეთის მისამართით გაკეთებული გზავნილი“, – თქვა მაკრონმა.
საფრანგეთის პრეზიდენტმა ასევე აღნიშნა, რომ მოლდოვას შეუძლია, გახდეს ევროკავშირის კანდიდატი.
