„ტკივილის დროა - ასეთი დროც არსებობს... ცრემლის და თანაგრძნობის დროა...",-ამის შესახებ ანალიტიკოსი გოჩა მირცხულავა „ფეისბუქ" პოსტ ავრცელებს.
მირცხულავა წერს, რომ „რა დროის ბრალდებებია, რა დროის ნიშნის მოგებაა, რა დროის ერთმანეთის ფეხქვეშ გათელვაა, ახლა ის დროა როცა სამძიმრის წარმოთქმაც გიჭირს ადამიანს".
„პოლიტიკოსები და სხვა დაინტერესებული თუ დაუინტერესებელი პირები, მართლა ვერ ხვდებით, რომ ახლა "ქვემეხების" დუმილის დროა?
ტკივილის დროა - ასეთი დროც არსებობს... ცრემლის და თანაგრძნობის დროა...
მართლა სირცხვილია და სრული მორალური გაშიშვლებაა ის რაც ახლა ხდება... რა დროის ბრალდებებია, რა დროის ნიშნის მოგებაა, რა დროის ერთმანეთის ფეხქვეშ გათელვაა...
ახლა იცით რა დროა?
სამძიმრის წარმოთქმაც რომ გიჭირს ადამიანს და თუნდაც უკიდეგანო ტკივილი საჭირო სიტყვებს ვერ გაპოვნინებს და ჭირისუფალთან თავდახრილი დგახარ.
ომის დროს, რომ ბრძოლის ველიდან ცხედრები და დაჭრილები გაჰყავთ მოსისხლე მტრებს და ხელსაც კი წააშველებენ ერთმანეთს და წყალსაც დაალევინებენ.
კარგით რა მართლა...",-წერს მირცხულავა
