მთავრობის არჩევანია, რა სახის ურთიერთობა სურს ჩინეთთან - დეგნანი
31.07.2023 ნახვები: 800
"მთავრობის არჩევანია, რა სახის ურთიერთობა სურს ჩინეთთან," - ეს განცხადება ამერიკის ელჩმა კელი დეგნანმა გააკეთა. ელჩი საქართველოსა და ჩინეთს შორის სტრატეგიული პარტნიორობის დამყარებას გამოეხმაურა.
დეგნანის თქმით, ჩინეთის „ერთი სარტყელის ინიციატივა" სხვა ქვეყნებისთვის მიუღებელია და საქართველოს ხელისუფლების გადასაწყვეტია, შეუერთდება თუ არა ამ შეთანხმებას.
"მთავრობის არჩევანია, რა სახის ურთიერთობა სურს ჩინეთთან. ბევრი ქვეყანა, ხედავს რა, რომ ის არაა სარგებლის მომტანი, ზურგს აქცევს ჩინეთის „ერთი სარტყელის ინიციატივას“. ასე რომ, თუ საქართველოს გადაწყვეტს ამ ინიციატივაში ჩართვას, იმედი მაქვს, კარგი შედეგები იქნება. ისე ჩანს, რომ ეს იყო საქართველოსთვის მნიშვნელოვანი ვიზიტი. საქართველოს ასარჩევია, ვინ იქნებიან მისი პარტნიორები. აშშ დარჩება საქართველოს მხარდამჭერი, როგორც ბოლო 30 წლის განმავლობაში. ვფიქრობ, როცა აშშ-საქართველოს პარტნიორობაზე ვსაუბრობთ, ძალიან კარგი ისტორია გვაქვს“, – განაცხადა დეგნანმა.
