მარკო რუბიო თანამდებობიდან წასვლის შესახებ გავრცელებულ ინფორმაციას უარყოფს – „არ ვიცი, საიდან მოდის ეს ყველაფერი“
კუშნერი: აშშ ევროპისა და რუსეთის უსაფრთხოების ახალ ჩარჩოზე მუშაობს – მომავალ კვირას აბუ-დაბიში უკრაინასთან და რუსეთთან სამმხრივი მოლაპარაკებები გაიმართება
ტრამპი პუტინის წარმომადგენელთან შეხვედრის შემდეგ: უკრაინის ომზე დიდი შეთანხმება იქნება, რომელშიც შესაძლოა მთელი ევროპაც ჩაერთოს
პიტ ჰეგსეთი იმპიჩმენტის მცდელობაზე: ეს არ გამოუვიდათ ტრამპის წინააღმდეგ და არც ჩემს შემთხვევაში გამოუვათ
საგარეჯოში ორი ძმის მკვლელობის ბრალდებით ერთი პირი დააკავეს – გადარჩენილი ძმა თავდასხმის დეტალებს იხსენებს
Bloomberg: მარკო რუბიო თანამდებობიდან წასვლას განიხილავს – სახელმწიფო დეპარტამენტი ინფორმაციას უარყოფს
სალომე ზურაბიშვილი: საქართველოსთვის უვიზო მიმოსვლის შეწყვეტა რუსეთისთვის საჩუქარი იქნება
საგარეჯოში ორი ძმა მოკლეს – არსებული ინფორმაციით, მათ ქორწილში მიმავალ გზაზე ჩაუსაფრდნენ

ირაკლი ღარიბაშვილის სასამართლო პროცესები დაიხურა – მოსამართლემ პროკურატურის შუამდგომლობა დააკმაყოფილა

ნახვები: 334 ირაკლი ღარიბაშვილის სასამართლო პროცესები დაიხურა – მოსამართლემ პროკურატურის შუამდგომლობა დააკმაყოფილა
კორუფციულ დანაშაულში ბრალდებული ყოფილი პრემიერ-მინისტრის, ირაკლი ღარიბაშვილის სასამართლო პროცესები დახურულ რეჟიმში გაგრძელდება. მოსამართლე თამარ მჭედლიშვილმა ბრალდების მხარის შუამდგომლობა დააკმაყოფილა, მიუხედავად დაცვის მხარისა და თავად ღარიბაშვილის წინააღმდეგობისა.

პროკურორ ანი ლეკიაშვილის განმარტებით, საქმე თავდაცვის სამინისტროს უკავშირდება, სასამართლოში კი მოქმედი და ყოფილი თანამდებობის პირების დაკითხვაა დაგეგმილი, რა დროსაც შესაძლოა, სახელმწიფო და პროფესიული საიდუმლოების შემცველი ინფორმაცია გამჟღავნდეს. სხდომის დახურვის კიდევ ერთ საფუძვლად პროკურორმა პერსონალური მონაცემების დაცვა დაასახელა.

დაცვის მხარემ გადაწყვეტილების მიღებამდე შუამდგომლობის წინააღმდეგ რამდენიმე არგუმენტი წარმოადგინა. ადვოკატმა სოსო ბარათაშვილმა აღნიშნა, რომ ჯუანშერ ბურჭულაძის საქმეც თავდაცვის სამინისტროსა და საიდუმლო შესყიდვებს ეხებოდა, თუმცა სასამართლო სხდომები არ დახურულა.

ადვოკატების განცხადებით, საზოგადოებას უფლება აქვს, იცოდეს, რა ბრალდებებია წარდგენილი ყოფილი პრემიერ-მინისტრის წინააღმდეგ და რა მტკიცებულებებს ეყრდნობა პროკურატურა.

სხდომის დახურვას კატეგორიულად ეწინააღმდეგებოდა თავად ირაკლი ღარიბაშვილიც, რომელმაც მის წინააღმდეგ მიმდინარე საქმეს პოლიტიკურად მოტივირებული უწოდა.

„მინდა, საზოგადოებამ გაიგოს სიმართლე, რომ ეს არის ცილისწამებაზე აგებული, პოლიტიკურად მოტივირებული საქმე. დიდი მნიშვნელობა აქვს, რომ პროცესი საჯაროდ და გამჭვირვალედ ჩატარდეს, რათა მთელმა საზოგადოებამ დაინახოს ამ ბრალდების უსაფუძვლობა“, – განაცხადა ღარიბაშვილმა.

მიუხედავად აღნიშნული პოზიციებისა, სასამართლომ პროკურატურის შუამდგომლობა დააკმაყოფილა და საქმის შემდგომი განხილვა დახურულ რეჟიმში გადაიტანა.

ირაკლი ღარიბაშვილს ბრალი საქართველოს სისხლის სამართლის კოდექსის 338-ე მუხლით აქვს წარდგენილი, რაც სახელმწიფო-პოლიტიკური თანამდებობის მქონე პირის მიერ ჯგუფურად, განსაკუთრებით დიდი ოდენობით ქრთამის აღებას გულისხმობს. დანაშაული 11-დან 15 წლამდე თავისუფლების აღკვეთას ითვალისწინებს.

ამასთან, ყოფილი პრემიერ-მინისტრი უკვე მსჯავრდებულია განსაკუთრებით დიდი ოდენობით უკანონო შემოსავლის ლეგალიზაციის საქმეზე. საპროცესო შეთანხმების საფუძველზე მას ხუთი წლით თავისუფლების აღკვეთა და ერთი მილიონი ლარის ჯარიმა შეეფარდა.

დაამატე მოკლე ნეიტრალური შესავალიგაამიჯნე ბრალდება და მსჯავრი
ყველას ნახვა
ყველას ნახვა
ყველას ნახვა