„ახლა არის აღქმა, რომ პატივს არ სცემენ ყოფილი პრეზიდენტის, სააკაშვილის უფლებებს და რომ ის მკაცრ მოპყრობას ექვემდებარება," - აცხადებს აშშ-ს ყოფილი ელჩი საქართველოში უილიამ კორტნი საქართველოს მესამე პრეზიდენტზე საუბრისას.
შეგახსენებთ: მიხეილ სააკაშვილი 1-ელ ოქტომბერს დააკავეს და უკვე 44-ე დღეა, შიმშილობს. 8 ნოემბერს, სააკაშვილი რუსთავის 12-ე დაწესებულებიდან გლდანის ციხეში გადაიყვანეს. რამდენიმე დღის წინ, საქართველოს იუსტიციის სამინისტრომ გაასაჯაროვა კადრები, სადაც საქართველოს მესამე პრეზიდენტის, მიხეილ სააკაშვილის გლდანის ციხეში იძულებით შესახლების კადრებია ასახული.
„საქართველოს აქვს ამბიცია ევროკავშირის წევრი გახდეს და ამის მისაღწევად ევროპელებს სურთ დემოკრატიული გაუმჯობესება იხილონ. ახლა ამისგან განცალკევებით არსებობს ადამიანის უფლებების პატივისცემის საკითხი. ეს ფუნდამენტური საკითხია აშშ-სა და ევროკავშირის პოლიტიკაში და ახლა არის აღქმა, რომ პატივს არ სცემენ ყოფილი პრეზიდენტის, სააკაშვილის უფლებებს და რომ ის მკაცრ მოპყრობას ექვემდებარება. ციხის საავადმყოფო, სადაც ის გადაიყვანეს, შესაძლოა, არ ექვემდებარებოდეს სტანდარტებს. შესაბამისად, არსებობს აღქმა, რომ მას უკეთ უნდა მკურნალობდნენ. საქართველოს მიერ აღიარებული ვალდებულებებისა და ადამიანის უფლებების დაცვის შესაბამისად," - ამბობს კორტნი.
