რუსთავის საკრებულოს 6 წევრი შიმშილობას იწყებს. ისინი საქართველოს მესამე პრეზიდენტის, მიხეილ სააკაშვილის სამოქალაქო კლინიკაში გადაყვანას ითხოვენ.
"ვუერთდებით პროტესტის უკიდურეს ფორმას, რასაც ჰქვია შიმშილობა. დღეს ჩვენ შიმშილობას ვიწყებთ საკრებულოს 6 წევრი და პროტესტის ამ ფორმას გავაგრძელებთ მანამ, სანამ მიხეილ სააკაშვილი გადაყვანილი არ იქნება მრავალფუნქციურ სამოქალაქო კლინიკაში",- თქვა "ნაციონალური მოძრაობის" ერთ-ერთმა წევრმა, ნანა შატბერაშვილმა.
შეგახსენებთ, გუშინ, 13 ნოემბერს თბილისში, პარლამენტის შენობაში ენმ-ს 9 დეპუტატმა მიმართა, პარტიის ოფისში შიმშილობს ასევე გია ბარამიძე.
ცნობისთვის, "დროას" ლიდერი ელენე ხოშტარია უკვე მე-13 დღეა საკანონმდებლო ორგანოში შიმშილობს.
