აფხაზეთი BRICS-ის სხვადასხვა სამუშაო ფორმატში მონაწილეობით არის დაინტერესებული, - ამის შესახებ ოკუპირებული აფხაზეთის ე.წ. საგარეო საქმეთა სამინისტროს ხელმძღვანელმა, ინალ არძინბამ განაცხადა.
„BRICS-ის ქვეყნების ჯგუფი უფრო სამართლიანი საერთაშორისო სისტემის, ფინანსური და ეკონომიკური არქიტექტურის ფორმირებისთვის მუშაობს. ასოციაციის მუშაობაში ანგარიშსწორებების ეროვნულ ვალუტაში გადასვლის ამოცანას დიდი მნიშვნელობა აქვს“, - განაცხადა არძინბამ.
ამასთან, არძინბამ აღნიშნა, რომ აფხაზეთის მონაწილეობის პერსპექტიული ფორმატები შეიძლება ბიზნეს ჯგუფების შეხვედრები, სამოქალაქო და აკადემიური ფორუმები, ახალგაზრდული ფორუმი, ახალგაზრდა დიპლომატების ფორუმი და სპორტული თამაშები იყოს.
ცნობისთვის, რუსეთმა BRICS-ის თავმჯდომარეობა 1-ელ იანვარს გადაიბარა და მიმდინარე წლის 31 დეკემბრამდე გაგრძელდება.
