აუცილებელია პროტესტი და ჩამოშლა რეჟიმის. პოლიციელები ხალხის მხარეს უნდა გადმოვიდნენ, გაემიჯნონ ივანიშვილის რეჟიმს, - ამის შესახებ „ერთიანობა - ნაციონალური მოძრაობის“ ერთ-ერთმა ლიდერმა გიორგი ვაშაძემ განაცხადა.
მისი თქმით, შეურაცხყოფაა ის, რასაც ივანიშვილი საკუთარ ხალხს უკეთებს.
„ეს სასაცილო არ არის, ეს ძალიან მძიმე რეალობაა. ასე ეპყრობა ივანიშვილი და მისი რეჟიმი ქართველ ხალხს. ეს დაცინვა კი არაა, ეს არის შეურაცხყოფა, როდესაც ადამიანი, რომელიც არის ყველაზე დაბალი განვითარების მაჩვენებელი მის საჯარო სივრცეში მოღვაწეობის დროს, ყველაზე მეტად ვისაც არ წარმოიდგენდა, ყველაზე მეტად დიდ შეურაცხყოფად რასაც ჩათვლიდა, ის გააკეთა ივანიშვილმა. ასეთია მისი დამოკიდებულება ხალხთან. მან ხო მშვიდობის ნაცვლად ქაოსი და არეულობა მოიტანა. სანამ ამ კაცს არ მოვიშორებთ, ამ ქვეყანას არ ეშველება.
ერთადერთი გზა არის ახალი არჩევნები და პოლიტპატიმრების გათავისუფლება. ამისთვის აუცილებელია პროტესტი და ჩამოშლა რეჟიმის სისტემის, პოლიციელები ხალხის მხარეს უნდა გადმოვიდნენ, გაემიჯნონ ივანიშვილის რეჟიმს“, - განაცხად ვაშაძემ.
