სამომავლოდ ვეცდები, ომის განრიგი გადავიტანო, რომ კონკრეტულ დროს დაველაპარაკო იტალიის პრემიერ-მინისტრს, - ასე გამოეხმაურა უკრაინის პრეზიდენტი ვოლოდიმირ ზელენსკი იტალიის პრემიერ-მინისტრის განცხადებას, რომლის თქმითაც, მასსა და უკრაინის პრეზიდენტს შორის დღეს სატელეფონო საუბარი უნდა გამართულიყო, თუმცა ზელენსკი მიუწვდომელი აღმოჩნდა.
„დღეს 10:30 საათზე ჩერნიგოვის, გოსტომელისა და მელიტოპოლის მისადგომებთან მძიმე ბრძოლები მიმდინარეობდა. ხალხი დაიღუპა. შემდეგ ჯერზე ვეცდები, ომის განრიგი გადავიტანო, რომ კონკრეტულ დროს დაველაპარაკო მარიო დრაგის. იმავდროულად, უკრაინა აგრძელებს ბრძოლას თავისი ხალხისთვის", - წერს ზელენსკი „ტვიტერში".
