დაავადებათა კონტროლის ცენტრის (NCDC) სტატისტიკით, გუშინ, 6 მარტს საქართველოში მხოლოდ 92 ადამიანი აიცრა კორონავირუსის წინააღმდეგ.
7 მარტის მონაცემებით, სრულად ვაქცინირებულია 1 248 841 ადამიანი, ანუ 18 წელს ზემოთ მოსახლეობის 43.5%. გარდა ამისა, ბუსტერ დოზით აცრილია 222 624 ადამიანი.
12-15 წლის მოზარდებში მინიმუმ 1 დოზით აცრილია 4 050 (2.28%) სრულად აცრილია - 3 181 (1.79%); 16-17 წლის მოზარდებში მინიმუმ 1 დოზით აცრილია 12 532 (15.45%); სრულად აცრილია - 11 092 (13.68%).
მარტის ბოლოს ფაიზერის არსებულ დოზებს ვადა გასდის. ვაქცინაციის სარეგისტრაციო ვებგვერდ booking.moh.gov.ge-ზე ასახულია, რომ მარაგშია 300 ათასზე მეტი დოზა ფაიზერის ვაქცინა.
ჯანდაცვის მინისტრი, ზურაბ აზარაშვილი ირწმუნება, რომ თვის ბოლოს ვაქცინების ახალ ნაკადს მიიღებენ.
ვაქცინაციაზე რეგისტრაციისთვის შეგიძლიათ დარეკოთ 1522 ან ეწვიოთ booking.moh.gov.ge ; ასევე შესაძლებელია რეგისტრაციის გარეშე მიმართოთ უახლოეს ამცრელ პუნქტს.
