მოქალაქეების დაკვეთა არ არის საუბარი, ვინ ვისზე იძიებს შურს. მოქალაქეების დაკვეთაა მშვიდობა, განვითარება, – ამის შესახებ პარტია „საქართველოსთვის“ წევრმა, მიხეილ დაუშვილმა განაცხადა.
დაუშვილმა კომენტარი გააკეთა ოპოზიციონერ გიგი უგულავას განცხადებაზე, სადაც უგულავა ამბობს: „სააკაშვილს მოუვა რაღაც ციხეში და დაგჭირდებათ ძმაკაცობა მღვდლებთან, ბევრი წესის აგება მოუწევთ, თვითონ ჩავერთვები შურისძიებაში“.
მიხეილ დაუშვილის თქმით, ასეთი განცხადებებით, პირველ რიგში, ოპოზიციას აზიანებენ და აძლიერებენ „ქართულ ოცნებას“.
„ასეთი განცხადებებით და მოწოდებებით თუ ვინმეს აზიანებენ, ეს არის პირველ რიგში, ოპოზიცია, ხოლო თუ ვინმეს აძლიერებენ, „ქართული ოცნებაა“. ქვეყანას სჭირდება არა ერთმანეთის მიმართ შურისძიებები, არამედ გაერთიანება ევროინტეგრაციის მიზნის გარშემო. „ქართული ოცნების“ გაძლიერების ნაცვლად, სჯობს, ამ ადამიანებმა იზრუნონ იმაზე, რომ საქართველო ევროკავშირის ნაწილი გახდეს. უნდა ვიზრუნოთ, რომ ქვეყნის მომავალი გახდეს უფრო კეთილდღეობით სავსე და დემოკრატიული, ვიდრე იყოს ერთმანეთის კუბოების დადგმაზე ფიქრი და ჩხუბი. მოქალაქეების დაკვეთა არ არის ბოდიში და, ერთმანეთის კუბოებზე საუბარი და ვინ ვისზე როგორ იძიებს შურს. მოქალაქეების დაკვეთაა მშვიდობა და განვითარება. ეს ხალხი ცოტა უნდა დაფიქრდეს, სტრატეგია შესაცვლელია. იმის ნაცვლად, რომ „ქართულ ოცნებას“ აძლიერებდნენ და ოპოზიციას ასუსტებდნენ, პირიქით უნდა იქცეოდნენ“, – განაცხადა მიხეილ დაუშვილმა.
