მიხეილ სარჯველაძე - საქართველოს უკრაინისთვის არაფერი დაუკლია, ჰუმანიტარულიდან დაწყებული, პოლიტიკური მხარდაჭერით დასრულებული
24.01.2023 ნახვები: 488
საქართველოს უკრაინისთვის არაფერი დაუკლია, ჰუმანიტარულიდან დაწყებული, პოლიტიკური მხარდაჭერით დასრულებული. საქართველოს რაც შეეძლო, ყველაფერი გააკეთა და ამას გააგრძელებს, – ამის შესახებ პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძემ განაცხადა.
მიხეილ სარჯველაძემ უპასუხა ჟურნალისტის კითხვას, „პარტიები, რომლებმაც 24 თებერვალს აქცია დაანონსეს, ხომ არ იყენებენ უკრაინას საკუთარი პოლიტიკური ინტერესებისთვის“.
სარჯველაძის თქმით, ეს ადამიანები არიან ხელმოცარული პოლიტიკოსები და არ აქვთ არავითარი რესურსი, საზოგადოებას რაიმე საკუთარი შესთავაზონ, რითაც მათ ინტერესს გამოიწვევენ.
„ერთადერთი, რაშიც უკრაინას მხარს ვერ ვუჭერთ, ეს არის საომარი მოქმედებების დაწყება და თუ ამას მოისაკლისებენ, ბარემ, თქვან. სხვა შემთხვევაში, საქართველოს უკრაინისთვის არაფერი დაუკლია, ჰუმანიტარულიდან დაწყებული, პოლიტიკური მხარდაჭერით დასრულებული. საქართველოს რაც შეეძლო, ყველაფერი გააკეთა და ამას გააგრძელებს. პირადად მე მგონია, რომ ეს ადამიანები არიან ხელმოცარული პოლიტიკოსები და არ აქვთ არავითარი რესურსი, საზოგადოებას რაიმე საკუთარი შესთავაზონ, რითაც მათ ინტერესს გამოიწვევენ. შესაბამისად, ამ ადამიანებს ის დარჩენიათ, საზოგადოებაში მონახონ ისეთი ემოცია, რომელსაც საკუთარ სამსახურში ჩაიყენებენ. ამ შეთხვევაში, ქართულ საზოგადოებაში უკრაინელი ხალხის მიმართ არსებული ემპათია შეიძლება აღიქვან როგორც მათთვის ერთგვარი საშუალება, რომ ეს ემოცია მიიტაცონ და ამას თავისი სახელი დაარქვან. ასე შეეცადნენ პროცესების მართვას 20 ივნისსაც, თუმცა ყველას კარგად გვახსოვს, ეს რით დასრულდა. ახლაც დაახლოებით იგივეს მოლოდინი მაქვს“, – აღნიშნა მიხეილ სარჯველაძემ.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
