სენატორი ლინდსი გრემი ბაიდენის ადმინისტრაციას რუსეთის ტერორიზმის სპონსორ სახელმწიფოდ აღიარებისკენ მოუწოდებს
მამუკა მდინარაძე - ლგბტ პროპაგანდის წინააღმდეგ კანონპროექტს მიმდინარე კვირაში დავაინიცირებთ
ილია თოფურიას აეროპორტში გულშემატკვირები დახვდნენ
ზურაბ ჭიაბერაშვილი - სტოლტენბერგმა ხაზი გაუსვა არჩევნების დემოკრატიულად ჩატარებას
ზურაბიშვილმა და სტოლტენბერგმა საქართველოს ევროატლანტიკურ სტრუქტურებში ინტეგრაციის საკითხი განიხილეს
სალომე ზურაბიშვილი - ყოვლად მიუღებელი და უკანონოა საქართველოს ოკუპირებულ რეგიონებში რუსეთის საპრეზიდენტო არჩევნების ჩატარება
რომან გოცირიძე - „ქართულმა ოცნებამ“ ევროკავშირს რეკომენდაციები თავზე გადაახია
გაიგე როგორია თიბისელების სამუშაო გარემო

ხაბეიშვილის განცხადება არასერიოზული და კომიკურია, რატომ ჰგონია, რომ ვინმესთვის მნიშვნელოვანია თავისი პარტიის ოფისის დათმობა - მიხეილ სარჯველაძე

02.01.2023 | 13:03 ნახვები: 265

პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძე მიიჩნევს, რომ ლევან ხაბეიშვილმა მიხეილ სააკაშვილთან დაკავშირებით არასერიოზული განცხადება გააკეთა.

საუბარია „ნაციონალური მოძრაობის“ ახალი თავმჯდომარის, ლევან ხაბეიშვილის იმ განცხადებაზე, სადაც ხაბეიშვილი აღნიშნავს: „მიხეილ სააკაშვილს თუ გაუშვებენ, მე და „ნაციონალური მოძრაობა“ მზად ვართ, ამის სანაცვლოდ დავტოვოთ საკრებულო, პარლამენტი, „ნაციონალური მოძრაობის“ ცენტრალური ოფისი გავუფორმოთ ბიძინა ივანიშვილს და ჩვენი ქვეყნისთვის ბრძოლა დავიწყოთ მინუსებიდან“.

სარჯველაძის თქმით, აღნიშნული შეთავაზება სერიოზულად განსახილველი არ არის. სარჯველაძის განმარტებით, არ შეიძლება, პირის პატიმრობიდან გათავისუფლება პოლიტიკური შეთანხმების საგანი იყოს.

„იმდენად არასერიოზული განცხადება იყო, რომ ეს შეთავაზება თავდაპირველად უცნაურად გამოიყურებოდა. პარტიის ახალარჩეულმა თავმჯდომარემ ასეთი განცხადება რატომ უნდა გააკეთოს? ეს ყველაფერი ძალიან ცუდად გამოიყურება, რადგან არასერიოზულია, პოლიტიკურ პროცესს შეიძლება აკნინებდეს და საზოგადოების თვალში რეპუტაციას უმცირებდეს. რამდენიმე მიზეზის გამო ეს შეთავაზება სერიოზულად განსახილველი არ არის. ეს არ არის თემა, რომელიც ასეთი აზრთა გაცვლით წყდება და რეგულირდება. არ ვიცი, შეიძლება, ეს შეთავაზება მისთვის მისაღებია და ამ საკითხებში ვერც ერკვევა, რომ პატიმრობიდან გათავისუფლება ზედმიწევნით სამართლებრივი საკითხია და არ შეიძლება, პოლიტიკური შეთანხმების საგანი იყოს. როცა ხაბეიშვილი ასეთ შეთავაზებას აკეთებს, უნდა ხვდებოდეს, რა გამოაქვს შესათავაზებლად. რატომ ჰგონია, რომ ვინმესთვის მნიშვნელოვანია თავისი პარტიის ოფისის დათმობა, პარლამენტში მისი ყოფნა-არყოფნა. ეს არ არის სწორი დამოკიდებულება, ამიტომაა ეს ყველაფერი არა მხოლოდ არასერიოზული, არამედ კომიკური. მეჩვენება, რომ პარლამენტიდან რაღაც ნაწილს გასვლა არ უნდა, მეორე ნაწილს უნდა, თუმცა დომინანტია ის, რომ უნდათ ხელფასი და არ უნდათ, უფლებამოსილებას ასრულებდნენ. საზოგადოებისთვის  ცდილობენ იმის ახსნას, რომ პარლამენტის წევრები კი არიან და ხელფასს იღებენ, მაგრამ მუდმივად სურთ დეპუტატის პასუხისმგებლობის არიდება. ვალდებულება გულისხმობს, რომ ათასში ერთხელ მაინც საკანონმდებლო ინიციატივა წარადგინო. ვისაც ეს არ ხელეწიფება, ცდილობენ, პარლამენტში პასიურობას გამართლება მოუძებნონ“, – განაცხადა მიხეილ სარჯველაძემ.

 

 

ყველას ნახვა
ყველას ნახვა
ყველას ნახვა