"ბატონო მოსამართლეებო, ყურადღებით იყურეთ ცაში" - მედვედევი ჰააგას ემუქრება
20.03.2023 ნახვები: 478
რუსეთის უშიშროების საბჭოს თავმჯდომარის მოადგილე დიმიტრი მედვედევი ჰააგას სასამართლოს ჰიპერბგერითი რაკეტებით ემუქრება. ამის შესახებ რუსი მაღალჩინოსანი "ტვიტერზე" წერს.
რუსი პროპაგანდისტი საერთაშორისო სასამართლოს უბადრუკ ორგანიზაციად მოიხსენიებს და წერს, რომ მისი დაბომბვის გამო თავს არავინ შეიწუხებს და არც ომი დაიწყება.
"და კიდევ... სისხლის სამართლის საერთაშორისო სასამართლო ტყუილ-უბრალოდ გაყოყოჩდა. ნახეთ, როგორი მამაცები ვართ, არ ჩავისვარეთ და მსხვილ ატომურ სახელმწიფოს დავუპირისპირდითო. ბატონებო, ყველანი ღმერთის და რაკეტების ქვეშ დავდივართ. მარტივი წარმოსადგენია, ჩრდილოეთ ზღვიდან ჰააგას სასამართლოს შენობის მიმართულებით ჰიპერბგერითი "ონიქსის" წერტილოვანი გამოყენება. სამწუხაროდ, მისი ჩამოგდება შეუძლებელია. სასამართლო მხოლოდ უბადრუკი საერთაშორისო ორგანიზაციაა და არა ნატოს ქვეყნების მოსახლეობა, ამიტომ ომსაც არ დაიწყებენ. შეეშინდებათ და არც არავინ შეიცოდებს. ასე, რომ, ბატონო მოსამართლეებო, ყურადღებით იყურეთ ცაში, - წერს მედვედევი.
შეგახსენებთ,რ ომ 17 მარტს ჰააგას სასამართლომ ვლადიმერ პუტინის დაკავების ორდერი გასცა.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
