უკრაინის შეიარაღებული ძალების მიერ ბელგოროდის ოლქის ქალაქ გრაივორონის დაბომბვის შედეგად ერთი ადამიანი დაიღუპა, - ამის შესახებ ბელგოროდის ოლქის გუბერნატორი, ვიაჩესლავ გლადკოვი „ტელეგრამ“ არხზე წერს.
„ქალაქი გრაივორონი უკრაინის შეიარაღებული ძალების ცეცხლის ქვეშ მოექცა. არის გარდაცვლილი. ის ჩვენი ტერიტორიული თავდაცვის ერთ-ერთი აქტიური მონაწილე იყო“, - წერს გლადკოვი.
მისი ინფორმაციით, თავდასხმის შედეგად ქალაქის ცენტრში სავაჭრო ობიექტები, კერძო საცხოვრებელი შენობები, ავტოფარეხები და ავტომობილები დაზიანდა.
