ჩინეთში ამერიკის შეერთებული შტატების ელჩი ნიკოლას ბარნსი ნენსი პელოსის ტაივანში ვიზიტის გასაპროტესტებლად ჩინეთის საგარეო საქმეთა სამინისტროში დაიბარეს. ჩინეთის საგარეო საქმეთა მინისტრი აშშ-ის წარმომადგენელთა პალატის სპიკერ ნენსი პელოსის მიზანმიმართულ პროვოკაციაში ადანაშაულებს და ამბობს, რომ ეს ცეცხლთან თამაშია.
„ვინც პოლიტიკური სარგებელის მოსაპოვებლად ტაივანის საკითხით მანიპულაციას შეეცდება, საბოლოოდ ისტორიაში სირცხვილის მხარეს იქნება“, – განაცხადა ჩინეთის საგარეო საქმეთა მინისტრმა ვან იმ.
ვან ის თქმით, ამერიკის მთავრობას შეეძლო, პელოსი შეეჩერებინა, მაგრამ ასე არ მოიქცა, რამაც სერიოზულად დააზიანა ამერიკა-ჩინეთის ურთიერთობა.
