მარკო რუბიო თანამდებობიდან წასვლის შესახებ გავრცელებულ ინფორმაციას უარყოფს – „არ ვიცი, საიდან მოდის ეს ყველაფერი“
კუშნერი: აშშ ევროპისა და რუსეთის უსაფრთხოების ახალ ჩარჩოზე მუშაობს – მომავალ კვირას აბუ-დაბიში უკრაინასთან და რუსეთთან სამმხრივი მოლაპარაკებები გაიმართება
ტრამპი პუტინის წარმომადგენელთან შეხვედრის შემდეგ: უკრაინის ომზე დიდი შეთანხმება იქნება, რომელშიც შესაძლოა მთელი ევროპაც ჩაერთოს
პიტ ჰეგსეთი იმპიჩმენტის მცდელობაზე: ეს არ გამოუვიდათ ტრამპის წინააღმდეგ და არც ჩემს შემთხვევაში გამოუვათ
საგარეჯოში ორი ძმის მკვლელობის ბრალდებით ერთი პირი დააკავეს – გადარჩენილი ძმა თავდასხმის დეტალებს იხსენებს
Bloomberg: მარკო რუბიო თანამდებობიდან წასვლას განიხილავს – სახელმწიფო დეპარტამენტი ინფორმაციას უარყოფს
სალომე ზურაბიშვილი: საქართველოსთვის უვიზო მიმოსვლის შეწყვეტა რუსეთისთვის საჩუქარი იქნება
საგარეჯოში ორი ძმა მოკლეს – არსებული ინფორმაციით, მათ ქორწილში მიმავალ გზაზე ჩაუსაფრდნენ

ანა წითლიძე: ელენე ხოშტარიას ჯანმრთელობის მდგომარეობაზე პასუხისმგებლობა პირდაპირ „ქართულ ოცნებას“ ეკისრება

ნახვები: 378 ანა წითლიძე: ელენე ხოშტარიას ჯანმრთელობის მდგომარეობაზე პასუხისმგებლობა პირდაპირ „ქართულ ოცნებას“ ეკისრება
 „ერთიანი ნაციონალური მოძრაობის“ წარმომადგენელი ანა წითლიძე ელენე ხოშტარიას ჯანმრთელობის მდგომარეობის გაუარესებაზე პასუხისმგებლობას „ქართულ ოცნებას“ აკისრებს. მისი განცხადებით, ხელისუფლების დამოკიდებულება პატიმრობაში მყოფი პოლიტიკოსის მიმართ აჩვენებს, რომ მისთვის საარჩევნო ბანერის დაზიანება ადამიანის ჯანმრთელობასა და სიცოცხლეზე მნიშვნელოვანია.

„როდესაც „ქართული ოცნება“ სისტემურ დანაშაულებზე საუბრობს, უნდა შეხედოს, რა დამართა ელენე ხოშტარიას. საერთოდ რატომ ზის ელენე ხოშტარია ციხეში, რა დააშავა? იმის გამო, რომ ბანერზე მარკერით რაღაც დააწერა? ანუ „ქართული ოცნებისთვის“ ბანერი და მარკერი უფრო ფასეულია, ვიდრე ადამიანის ჯანმრთელობა და ადამიანის სიცოცხლე. კრიმინალი ელენე ხოშტარია არ არის. ეს არის იმის მაჩვენებელი, სადამდე შეუძლია „ქართულ ოცნებას“ მივიდეს, რომ არაფერი ჰუმანური და ადამიანური მასში არ არის. ელენეს ამ მდგომარეობამდე მიყვანა პირდაპირ „ქართული ოცნების“ პასუხისმგებლობაა“, – განაცხადა წითლიძემ.

პატიმრობაში მყოფი პარტია „დროას“ ლიდერი ელენე ხოშტარია რუსთავის ქალთა ციხიდან თბილისში, თოდუას კლინიკაში გეგმური სამედიცინო შემოწმებისთვის გადაიყვანეს. კლინიკაში ის ეტლით შეიყვანეს.

ჯანმრთელობის მდგომარეობის გაუარესების გამო ხოშტარია რამდენიმე თვის წინ კლინიკა „ვივამედშიც“ იმყოფებოდა, საიდანაც 27 სექტემბერს რუსთავის ქალთა ციხეში დააბრუნეს.

ელენე ხოშტარია 2025 წლის 15 სექტემბერს, კახა კალაძის საარჩევნო ბანერზე წარწერის – „რუსული ოცნება“ – გაკეთების გამო დააკავეს. მას ბრალი სისხლის სამართლის კოდექსის 187-ე მუხლის პირველი ნაწილით წარუდგინეს, რაც სხვისი ნივთის დაზიანებასა და მნიშვნელოვანი ზიანის გამოწვევას გულისხმობს.

სასამართლომ თავდაპირველად 5 000-ლარიანი გირაო შეუფარდა, რომლის გადახდაზეც ხოშტარიამ უარი განაცხადა. მოგვიანებით მოსამართლე გიორგი არევაძემ ის დამნაშავედ ცნო და ერთი წლითა და ექვსი თვით თავისუფლების აღკვეთა მიუსაჯა.

ყველას ნახვა
ყველას ნახვა
ყველას ნახვა