ნიკა მელიას მოვუწოდებ, აზრი დაატანოს და სახე შეინარჩუნოს. რა ვადამდელი არჩევნები, – ამის შესახებ საპარლამენტო უმრავლესობის წევრმა, ირაკლი ზარქუამ განაცხადა, რითაც რიგგარეშე არჩევნებთან დაკავშირებით „ნაციონალური მოძრაობის“ თავმჯდომარის, ნიკა მელიას განცხადებას გამოეხმაურა.
მისივე თქმით, რიგგარეშე არჩევნებს საფუძველი არ აქვს და ნიკა მელია სასაცილო მდგომარეოაბში იგდებს თავს.
„დეპოლარიზაციისკენ მოგვიწოდებენ და ჯიგარი ნიკა მელია გამოვიდა, ამდენი ხანი არ ჩანს და რიგგარეშე არჩევნები მოითხოვა. გიჟი ჯაფარა რომ ჰყავთ კიდევ, დარბის და ზომავს, საიდან შემოვარდეს პარლამენტში და ტრაგედიაში მორიგი ახალგაზრდები როგორ ჩართონ. 20 ივნისს რაც ვიხილეთ, ტრაგედია იყო, მათ შორის გომურის თემა. როგორც ხდება ხოლმე, შემდეგ არშემდგარი რადიკალები ბუჩქებში გავლენ და პირისპირ ახალგაზრდებს დატოვებენ. ამ ხელმოცარულებს არაფერი უწერიათ. ნიკა მელიამ რევოლუცია მაშინ ვერ ააგორა, როცა სააკაშვილი ლიდერი იყო და ახლა როცა არ ინტერესდება, ხაბეიშვილს და მელიას 17 კაცი გაჰყვება, ვინც ჰყავს. ნიკა მელიას მოვუწოდებ, აზრი დაატანოს და სახე შეინარჩუნოს. რა ვადამდელი არჩევნები. საფუძველი არ აქვს და თავს იგდებს სასაცილო მდგომარეობაში. წარმოდგენილი ჰყავთ წარმომადგენლები პარლამენტსა და თვითმმართველობებში და თავს იგდებენ სასაცილო მდგომარეობაში“, – განაცხადა ირაკლი ზარქუამ.
