მარკო რუბიო თანამდებობიდან წასვლის შესახებ გავრცელებულ ინფორმაციას უარყოფს – „არ ვიცი, საიდან მოდის ეს ყველაფერი“
კუშნერი: აშშ ევროპისა და რუსეთის უსაფრთხოების ახალ ჩარჩოზე მუშაობს – მომავალ კვირას აბუ-დაბიში უკრაინასთან და რუსეთთან სამმხრივი მოლაპარაკებები გაიმართება
ტრამპი პუტინის წარმომადგენელთან შეხვედრის შემდეგ: უკრაინის ომზე დიდი შეთანხმება იქნება, რომელშიც შესაძლოა მთელი ევროპაც ჩაერთოს
პიტ ჰეგსეთი იმპიჩმენტის მცდელობაზე: ეს არ გამოუვიდათ ტრამპის წინააღმდეგ და არც ჩემს შემთხვევაში გამოუვათ
საგარეჯოში ორი ძმის მკვლელობის ბრალდებით ერთი პირი დააკავეს – გადარჩენილი ძმა თავდასხმის დეტალებს იხსენებს
Bloomberg: მარკო რუბიო თანამდებობიდან წასვლას განიხილავს – სახელმწიფო დეპარტამენტი ინფორმაციას უარყოფს
სალომე ზურაბიშვილი: საქართველოსთვის უვიზო მიმოსვლის შეწყვეტა რუსეთისთვის საჩუქარი იქნება
საგარეჯოში ორი ძმა მოკლეს – არსებული ინფორმაციით, მათ ქორწილში მიმავალ გზაზე ჩაუსაფრდნენ

მარტა კოსი: ევროკავშირში არ არსებობს საკმარისი მხარდაჭერა ივანიშვილის, კობახიძისა და პაპუაშვილის სანქცირებისთვის

ნახვები: 301 მარტა კოსი: ევროკავშირში არ არსებობს საკმარისი მხარდაჭერა ივანიშვილის, კობახიძისა და პაპუაშვილის სანქცირებისთვის
ევროკავშირის 27 წევრ სახელმწიფოს შორის არ არსებობს საკმარისი მხარდაჭერა ბიძინა ივანიშვილის, ირაკლი კობახიძის, შალვა პაპუაშვილისა და იმ მოსამართლეების წინააღმდეგ სანქციების დასაწესებლად, რომლებსაც პოლიტიკურად მოტივირებული განაჩენების გამოტანაში ადანაშაულებენ. ამის შესახებ გაფართოების საკითხებში ევროკომისარმა მარტა კოსმა ევროპარლამენტის საგარეო საქმეთა კომიტეტში განაცხადა.

ევროკომისარმა განმარტება პოლონელი ევროპარლამენტარის, კშიშტოფ ბრეიზას კითხვის საპასუხოდ გააკეთა. ბრეიზა დაინტერესდა, რა აფერხებს აღნიშნული პირების სანქცირებას და რა ნაბიჯები იდგმება დაბრკოლებების გადასალახად.

„ევროკომისიას არ შეუძლია სანქციების დაწესება, ეს ჩვენი წევრი სახელმწიფოების, იგივე ევროპული საბჭოს, ხელშია. გეთანხმებით, რომ რაღაც უნდა გავაკეთოთ ამაზე და გვიცდია. უმრავლესობა არ არის ევროკავშირის 27 წევრ სახელმწიფოს შორის, რომ სანქციები შემოვიღოთ იმ ხალხის წინააღმდეგ, ვინც ახსენეთ, და ძალიან ბევრი სხვას წინააღმდეგ“, – განაცხადა კოსმა.

ამასთან, ევროკომისარმა აღნიშნა, რომ ევროკავშირში გაწევრიანების პროცესში საქართველოს უკუსვლის მიუხედავად, ქვეყანა კვლავ რჩება ევროკავშირის დაკავშირებადობის დღის წესრიგის ნაწილად. მისი თქმით, ბრიუსელი საქართველოს ხელისუფლებასთან თანამშრომლობას ცდილობს, თუმცა გაგზავნილ მოწვევებზე დადებითი პასუხი არ მიუღია.

„ჩვენ საქართველოსთან ჩართულობას ვცდილობთ, ბევრი მოწვევა გავუგზავნეთ საქართველოს წარმომადგენლებს, რომ მონაწილეობა მიიღონ. აქამდე დადებითად არ უპასუხიათ“, – აღნიშნა მან.

კოსის განცხადებით, ევროკავშირი საქართველოს ხელისუფლებისგან პროგრესს, უპირველეს ყოვლისა, იმ მიმართულებებით ელოდება, რომლებშიც მოქალაქეები და სამოქალაქო საზოგადოება ყველაზე მეტად ზარალდებიან.

„ერთი მცირე ცვლილება ან იმასთან დაახლოება, რასაც საქართველოსგან ვითხოვთ, ძალიან დაგვეხმარებოდა ამ მხრივ“, – განაცხადა ევროკომისარმა.

ყველას ნახვა
ყველას ნახვა
ყველას ნახვა