საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
ვოლოდიმირ ზელენსკი:გთხოვთ დარჩით თავშესაფრებში. ჩვენი სამხედროების დახმარების წყალობით ყველაფერი კარგად იქნება
10.10.2022 ნახვები: 592
დღევანდელი დილა მძიმეა. საქმე გვაქვს ტერორისტებთან. ათობით რაკეტა, ირანული „შაჰიდები“ – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
მისი თქმით, მოწინააღმდეგეს ორი სამიზნე აქვს, ენერგეტიკული ობიექტები მთელი ქვეყნის მასშტაბით და უკრაინელი ხალხი.
„მათ ორი სამიზნე აქვთ. ენერგეტიკული ობიექტები მთელი ქვეყნის მასშტაბით. კიევის ოლქი და ხმელნიცკის ოლქი, ლვოვი და დნიპრო, ვინიცა, ივანო-ფრანკოვსკის ოლქი, ზაპოროჟიე, სუმის ოლქი, ხარკოვის ოლქი, ჟიტომირის ოლქი, კიროვოგრადის ოლქი, ქვეყნის სამხრეთი.
მათ უნდათ პანიკა და ქაოსი, უნდათ გაანადგურონ ჩვენი ენერგეტიკული სისტემა. ისინი გამოუსწორებელი არიან.
მეორე სამიზნე ხალხია. ასეთი დრო და ასეთი მიზნები სპეციალურად შეირჩა, რომ რაც შეიძლება მეტი ზიანი მიეყენებინა, მაგრამ ჩვენ უკრაინელები ვართ. ჩვენ ერთმანეთს ვეხმარებით. ჩვენ გვჯერა საკუთარი თავის. ჩვენ აღვადგენთ ყველაფერს დანგრეულს.
შეიძლება ახლა ელექტროენერგია დროებით გაითიშოს, მაგრამ არასოდეს მოხდება ჩვენი თავდაჯერებულობის გათიშვა - გამარჯვებაში თავდაჯერებულობის.
რატომ ზუსტად ასეთი დარტყმები? მტერს უნდა, რომ გვეშინოდეს, სურს ხალხი გაიქცეს მაგრამ ჩვენ მხოლოდ წინსვლა შეგვიძლია- და ამას ვაჩვენებთ ბრძოლის ველზე. ასე გაგრძელდება.
ამჟამად მაშველები მუშაობენ. ჩვენი საჰაერო თავდაცვის სისტემა მუშაობს. უკვე ჩამოგდებულია 38 საჰაერო სამიზნე.
გთხოვთ დარჩით თავშესაფრებში. ჩვენი სამხედროების დახმარების წყალობით ყველაფერი კარგად იქნება. ყოველთვის დაიცავით უსაფრთხოების წესები და ყოველთვის გახსოვდეთ: უკრაინა არსებობდა ამ მტრის გამოჩენამდე და უკრაინა იარსებებს მის შემდეგაც“, - აცხადებს ზელენსკი.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
