კახა კალაძე ევროპარლამენტის რეზოლუციაზე - არანაირი ფასი არ აქვს

ამ რეზოლუციას არანაირი ფასი არ აქვს , - ამის შესახებ დედაქალაქის მერმა, კახა კალაძემ ჟურნალისტებთან საუბრისას განაცხადა, რითაც გამოეხმაურა ევროპარლამენტის საგარეო კომიტეტში საქართველოს შესახებ მიღებულ ანგარიშს.

კითხვაზე, იზიარებს თუ არა კულტურისა და სპორტის მინისტრის, თეა წულუკიანის პოზიციას, რომ ევროპარლამენტარებს, სურთ ქვეყანამ კანდიდატის სტატუსი ვერ მიიღოს „ქართული ოცნების" ხელისუფლების პირობებში", კალაძე განმარტავს, რომ გარკვეული ადამიანების დაჯგუფებას არ სურთ ისეთი ხელისუფლება, რომელიც თავისი ქვეყნის პატრიოტია და ქვეყნის განვითარებაზე ზრუნავს.

„ამ რეზოლუციას არანაირი ფასი არ აქვს. ცხადია, გარკვეული ადამიანების დაჯგუფება, ვინც თითქოს საუბრობს, რომ ჩვენი ქვეყნის მეგობარია, რეალურად ისინი კონკრეტული პოლიტიკური პარტიის მეგობრები არიან. მათ არ სურთ ისეთი ხელისუფლება, რომელიც თავისი ქვეყნის პატრიოტია, რომელიც მოქალაქეებზე, ქვეყნის განვითარებაზე ზრუნავს, სიმშვიდის შენარჩუნებაზე",- აღნიშნავს კალაძე.