გამაოგნებელი ფაქტები დახურული ჯგუფიდან - ირკვევა, რომ გასართობად წასულ ახალგაზრდები სექსუალური ძალადობის მსხვერპლნი ხდებიან.
სქემა მარტივია - გოგონებს სასმელში გაურკვეველ ნივთიერებებს უყრიან, რაც მათ გათიშვას იწვევს. შემდეგ კი პრაქტიკულად უგონოდ მყოფ ახალგაზრდებზე ძალადობენ.
გოგონები მას შემდეგ ხვდებიან რა მოხდა, როდესაც ფხიზლდებიან. პოლიციაში უკვე ათეულობით სარჩელი დევს, თუმცა დამნაშავეები არ ისჯებიან. დაზარალებულები ვერ უმტკიცებენ სამართალდამცველებს, რომ მათზე იძალადეს. მათ ფიზიკური ძალადობის არანაირი კვალი არ აღენიშნებათ და ვერც იმას ამტკიცებენ, რომ სექსუალური კავშირი მათი თანხმობის გარეშე მოხდა. შესაბამისად საქმის აღძვრა არ ხდება.
გახშირებული ფაქტების გამო ქალთა უფლებების დამცველებს განგაში აქვთ გამოცხადებული. ისინი კანონში ცვლილებებს ითხოვენ.
ინფორმაციას, "ტვ პირველი" ავრცელებს.
