წმინდა გიორგისა და დრაკონის დაპირისპირებაში „ქართული ოცნება“ დრაკონის მხარეს დგას - დღეს დრაკონი ანუ უნივერსალური ბოროტება რუსეთის იმპერიაა, რომელიც უკრაინაში ბავშვებს კლავს! - ამის შესახებ "სტრატეგია აღმაშენებლის" დეპუტატმა პაატა მანჯგალაძემ განაცხადა.
მანჯგალაძის თქმით, სამწუხაროა, რომ სიკეთისა და ბოროტების დაპირისპირებაში სოზარ სუბარიც გველეშაპის მხარეს დადგა.
„წმინდა გიორგი დაკავშირებულია დრაკონის განგმირვასთან. დრაკონი არის უნივერსალური ბოროტება. მას სხვადასხვა დროს სხვადასხვა სახე ჰქონდა. თანამედროვეობაში სიკეთისა და ბოროტების დაპირისპირებისას ეს არის პუტინი და პუტინის რუსეთი. სამწუხაროა, რომ ამ ბრძოლაში "ქართული ოცნება" და მისი წარმომადგენლები ნაცვლად სიმართლისა და წმინდა გიორგი მხარეს დგომისა, არიან დრაკონის მხარეს. ცნობილი სურათი, როცა გველეშაპს წმინდა გიორგი გმირავს, "ქართული ოცნება" არის გველეშაპის მხარეს - სამწუხაროა, რომ სოზარ სუბარიც ამ გველეშაპის მხარესაა“, - განაცხადა მანჯგალაძემ.
