"ჩვენი ემიგრაცია დღეს ასულდგმულებს საქართველოს ეკონომიკას და ამ ადამიანებს, არა აქვთ საშუალება, რომ თავისი არჩევანი გააკეთონ და ეს რა თქმა უნდა, არ აინტერესებს არსებულ ხელისუფლებას",-ამის შესახებ მამუკა ხაზარაძე ვიდეომიმართვაში აცხადებს.
"თქვენ იცით, რომ ძალიან დიდი რაოდენობა არის გასული ჩვენი ქვეყნიდან. ის ხალხია გასული ქვეყნიდან, ვინც საქართველოს ეკონომიკას ასულდგმულებს. ჩვენი ემიგრაცია დღეს ასულდგმულებს საქართველოს ეკონომიკას და ამ ადამიანებს, არა აქვთ საშუალება, რომ თავისი არჩევანი გააკეთონ და ეს რა თქმა უნდა, არ აინტერესებს არსებულ ხელისუფლებას.
იმიტომ, რომ ის ადამიანები, ვინც ევროპაში არიან და გასულია არიან ქვეყნიდან, ისინი არიან პროგრესულად მოაზროვნე ადამიანები. მათ ახალი ცხოვრება ნახეს, გაჭივრება გაიარეს, ენები ისწავლეს, პროფესიას დაეუფლნენ, ქვეყანაში ფულს რიცხავენ და ამ დროს ვერ იღებენ მონაწილეობას ქვეყნის, თავიანთი სამშობლოს ხვალინდელ დღეში",-განაცხადა ხაზარაძემ
