თუკი ჩემს პირად მოლოდინებზე მეკითხებით, ნათელია, რომ გულწრფელად ვიმედოვნებ, საქართველო სწრაფად წაიწევს წინ ევროკავშირში გაწევრიანების გზაზე, მაგრამ მხოლოდ ლოდინი არ არის საკმარისი. ქართველებმა უნდა შეასრულონ საშინაო დავალება, - ამის შესახებ საქართველოში ევროკავშირის ელჩმა პაველ ჰერჩინსკიმ განაცხადა.
„როგორც იცით, საქართველომ 12 პრიორიტეტი მიიღო და მუშაობა მიმდინარეობს. ჩვენ შევაფასებთ პროგრესს, რომელიც იქნება მიღწეული. საბოლოო შეფასებას გააკეთებენ ევროკავშირის წევრი ქვეყნები და გულწრფელად ვიმედოვნებ, რომ დადებითი გადაწყვეტილების მიღება მოხდება საქართველოს ევროკავშირში გაწევრიანების გზაზე გადასდგმელ შემდგომ ნაბიჯებთან დაკავშირებით“, - აღნიშნა ელჩმა.
