"თუ კახა კინწურაშვილმა ზაფხულში რაღაცა თქვა, ოდნავ „ ქართული ოცნების წინააღმდეგ“ ამით დღეს სამაგიეროს გადახდა კიდევ უფრო დაბალი დონეა. ეს სამი ფაქტი სრულიად საკმარისია ამ მოვლენის შეფასებისთვის, წესით არც უნდა ვაფასებდეთ და საზოგადოებაც არ უნდა იყოს რაქციული ამ ფაქტზე“,-ამის შესახებ კომენტარი კრიტიკოსმა და ჟურნალისტმა დავით ბუხრიკიძემ, „ნეიშენ ჯორჯიასთან საუბრისას გააკეთა.
ბუხრიკიძის თქმით, 4 წლის შემდეგ სპექტაკლზე საუბარი, რომელიც რეპერტუარში აღარ არის უბრალოდ სირცხვილია, განსაკუთრებით კი ის ფაქტი, რომ მსახიობის როლის შესრულების დროს გადაღებული ვიდეო ე.წ. კომპრომატად გამოიყენება.
„ყველაფერს რომ თავი დავანებოთ, სპექტაკლიდან ვიდეო ჩანაწერით ფრაგმენტის ჩვენება და ამის გასაღება რაღაცა ფრაგმენტად და დადება როგორც დოკუმენტის არის სრულიად ამაზრზენი. იგივეა, რომ ვიღაცა ფილმში იყოს გადაღებული და იქედან ამოღებული კადრიდან მსახიობს ე.წ. კომპრომატი დაუდონ. მეორე რამდენად შეიძლება 4 წლის დაგვიანებით იყოს ეს რეფლექსი, განცდა თუ შეფასება როდესაც საზოგადოებას არც ახსოვს. მე შევახსენებ, რომ ეს სპექტაკლს ქვია „დემონები“, რომელიც დაიდგა სამეფო უბნის თეატრში 2018 წელს, 4 წლის შემდეგ ამის გახსენება და მსახიობისთვის კომპრომატად ქცევა არის სირცხვილიც და შეიძლება სასაცილოც, სასაცილოც არ არის საბოლოოდ. მესამე თუ კახა კინწურაშვილმა ზაფხულში რაღაცა თქვა, ოდნავ „ ქართული ოცნების წინააღმდეგ“ ამით დღეს სამაგიეროს გადახდა კიდევ უფრო დაბალი დონეა. ეს სამი ფაქტი სრულიად საკმარისია ამ მოვლენის შეფასებისთვის, წესით არც უნდა ვაფასებდეთ და საზოგადოებაც არ უნდა იყოს რაქციული ამ ფაქტზე“,-განაცხადა ბუხრიკიძემ „ნეიშენ ჯორჯიასთან“ საუბრისას.
ესაუბრა, ზუკა ნემსაძე
