ფილარმონიის დიდ საკონცერტო დარბაზში ჯემალ სეფიაშვილის საიუბილეო საღამო „აღსარება“ გაიმართა.
ავტორ-შემსრულებელი მონატრებული მსმენელის წინაშე კარგად ნაცნობი, მაყურებლისთვის საყვარელი და ახალი სიმღერების პრემიერებით წარსდგა. კომპოზიტორთან ერთად სცენაზე, შვილი ცისანა სეფიაშვილი იდგა.
საღამოზე, მისული მაყურებელი კომპოზიტორს სცენიდან არ უშვებდა და სიმღერების შესრულებას სთხოვდა, საღამო საკონცერტო დარბაზში 3 საათზე მეტ ხანს მიმდინარეობდა.
ჯემალ სეფიაშვილი თეატრალური საზოგადოების გადაწყვეტილებით, რევაზ ლაღიძის პრემიის ლაურეატი გახდა.
საღამოზე, კომპოზიტორმა მეგობრები სოფიკო ჭიაურელი და მედეა ძიძიგური გაიხსენა.
მაყურებელმა კიდევ ერთხელ მოისმინა და ნახა კლიპები „ვაჩუქოთ ერთმანეთს ტიტები“ და „გიხაროდენ“ -მაყურებლისთვის ძველებურად სასიამოვნო და საინტერესო სანახავი აღმოჩნდა, სიმღერების მსვლელობის მსმენელი სიამოვნებას მქუხარე აპლოდისმენტებით გამოხატავდა.
საღამოს მიწურულს კი, მიუხედავად მაყურებლის მოლოდინისა და ვნებათაღელვისა, ფილარმონიის დიდი საკონცერტო დარბაზის წინ ჯემალ სეფიაშილის ვარკსვლავი ისევ არ გაიხსნა.
კონცერტამდე რამდენიმე დღით ადრე, „იმედის“ ეთერში კომპოზიტორმა განაცხადა, რომ მისი ვარსკვლავის გახსნა ძალაინ დაგვიანდა და ის თანახმა არ იყო, რომ ვარკსვლავების ხეივანს მისი სახელობის ვარსვკლავი შემატებოდა.
