დედაქალაქში საზოგადოებრივი ტრანსპორტი შეფერხებით მუშაობს, ტაქსის მომსახურების ტარიფები გაზრდილია
12.01.2023 ნახვები: 614
თბილისში თოვა გრძელდება. "თბილსერვისის" წარმომადგენლები დედაქალაქსა და მის შემოერთებულ ტერიტორიებზე გზების გაწმენდით სამუსაობს აგრძელებენ. უსაფრთხო გადაადგილებისთვის იყრება ტექნიკური მარილი. ამის მიუხედავად, დედაქალაქში გადაადგილება გართულებულია.
ამჟამად დედაქალაქში ტემპერატურა -3 გრადუსია. დღის განმავლობაში შენარჩუნდება ყინვა და ნალექი თოვლის სახით.
შეფერხებით მოძრაობს საზოგადოებრივი ტრანსპორტი, ცალკეულ მარშრუტებზე გაურკვეველი დროით არის გაზრდილი მოცდის დრო. მნიშვნელოვნად არის გაზრდილი ტაქსის მომსახურეობის ტარიფები.
დასაქმებულ პირებსა და სტუდენტებს უწევთ დაგვიანებით გადაადგილება დანიშნულების ადგილზე მოსახვედრად.
დედაქალაქის მერიას ამ დრომდე არ გაუკეთებია განცხადება გართულებული მიმართულებებისა და ტრანსპორტის გადაადგილებაში არსებული შეფერხების შესახებ.
"თბილსერვისის" ხელმძღვანელებმა გუშინ მოქალაქეებს ზამთრის საბურავების გარეშე მოძრაობისგან თავის შეკავება ურჩიეს.
