ვიდეო: "ჩემმა მშობლებმა ჩემს გარეშე მოილაპარაკეს" უცნობი ამბავი მანანა ბერიკაშვილის დღიურებიდან

ეპოქალური ქართველი მსახიობის, გივი ბერიკაშვილის შვილი, რეჟისორი, მჭევრემეტყველების პროფესორი, მანანა ბერიკაშვილი საზოგადოებრივი მაუწყებლის ეთერში საუბრობს, როგორი იყო მისი პირველი ნაბიჯები კარიერაში და რა როლი ითამაშეს მის პროფესიულ განვითარებაში მშობლებმა.

“სამსახიობოზე ვსწავლობდი და როგორც ამბობდნენ, არ ვიყავი ცუდი მონაცემების არტისტი. ჩემმა მშობლებმა ჩემს გარეშე მოილაპარაკეს ჩემს პედაგოგთან, რომ მე ეს პროფესია შემესწავლა. მამაჩემი სულ მეუბნებოდა: შვილო, თეატრში სულ არის ერთი ქალი საჭირო. წავედი მოსკოვში და ჩავაბარე მაგისტრატურაზე. ეს მნიშვნელოვანი იყო, რადგან დამოუკიდებელ ცხოვრებას არ ვიყავი მიჩვეული.

იმ სამმა წელიწადმა მე, პროფესიული თვალსაზრისით ძალიან ბევრი რამ მომცა. საქართველოში დავბრუნდი და თეატრისა და კინოს უნივერსიტეტში მივედი. სწავლების მეთოდოლოგია თითქმის ამოვაყირავე, რადგან საკმაოდ დიდი გამოცდილება მქონდა. ყველა წამომყვა და ჩემი პირველი ჯგუფი, როგორც პირველი სიყვარული ისე იყო, არასდროს რომ არ მეორდება”, – განაცხადა ბერიკაშვილმა.