„განწირული კივილის ხმა შემომესმა, ფეხი მოუცურდა...“ - სამტრედიაში დატრიალებული ტრაგედიის ახალი დეტალები
29.01.2023 ნახვები: 678
უბედური შემთხვევა მოხდა სამტრედიაში. ქალაქის ტერიტორიაზე, რესპუბლიკის ქუჩაზე მდებარე ხუთსართულიანი, მრავალბინიანი კორპუსის შენობის სახურავიდან გადმოვარდა მუშა, რომელიც ადგილზევე გარდაიცვალა.
გარდაცვლილი 44 წლის ლაშა ნადირაძეა.
ის ქარისგან დაზიანებული სახურავის აღდგენაზე მუშაობდა, რა დროსაც მან თავი ვერ შეიკავა და სახურავიდან გადმოვარდა.
ერთ-ერთი ადგილობრივი იხსენებს, როგორ ჩამოვარდა მამაკაცი კორპუსიდან.
„აქ სამი კაცი ბინას ხურავდნენ. შემომესმა განწირული კივილის ხმა მიშველეთო და რომ გამოვედი უკვე გადმოვარდნილი იყო. დავინახე რომ დაეცა. თოკი ჰქონდა მობმული და ჩამოდიოდა, ფეხი მოუცურდა და გადმოვარდა“,- ამბობს ადგილობრივი.
შინაგან საქმეთა სამინისტროს ინფორმაციით, გამოძიება 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
სამტრედიაში, კორპუსის სახურავის შეკეთებისას მამაკაცი გადმოვარდა, რომელიც ადგილზევე გარდაიცვალა
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
