დღეს, დღის ბოლომდე საზოგადოება ძალიან მნიშვნელოვანი პლატფორმის შესახებ გაიგებს - ხატია დეკანოიძე
23.07.2021 ნახვები: 690
„ნებისმიერი ოპოზიციური პარტია, ვინც ფიქრობს, რომ ვადამდელი არჩევნები აუცილებელია ქვეყნის გადარჩენისთვის, ამ პლატფორმაში იქნება ჩართული", - ,,ნაციონალური მოძრაობის" ერთ-ერთი ლიდერის, ხატია დეკანოიძის თქმით, დღეს 23 ივლისს, ამომრჩევლისთვის ცნობილი გახდება იმ საარჩევნო პლატფორმის შესახებ, რომლითაც ოპოზიცია, თბილისში მერის არჩევნებში (არა მხოლოდ), გაერთიანებული ძალებით იბრძოლებს.
„დღეს, დღის ბოლომდე საზოგადოება ძალიან მნიშვნელოვანი პლატფორმის შესახებ გაიგებს, რითაც ოპოზიცია ადგილობრივ არჩევნებზე გადის - ნებისმიერი ოპოზიციური პარტია, ვინც ფიქრობს, რომ ვადამდელი არჩევნები აუცილებელია ქვეყნის გადარჩენისთვის, ამ პლატფორმაში იქნება ჩართული, ჩვენ მაქსიმალურად მთელი ენერგიით უნდა ჩავერთოთ, რომ ხელისუფლებას მანიპულაციის საშუალება არ მივცეთ. დარწმუნებული ვარ, ოპოზიციის ნებისმიერი კანდიდატი იქნება თბილისში თუ რეგიონში, ამომრჩეველთა უმრავლესობის მიერ მხარდაჭერილი იქნება", - განაცხადა ხატია დეკანოიძემ.
ცნობისთვის, გავრცელებული ინფორმაციით ოპოზიციური პარტიების ერთობა, რომლებიც თბილსის მერობის საერთო კანდიდატად, ნიკა მელიას დღეს წარადგენს ასე გამოიყურება - ,,ერთიანი ნაციონალური მოძრაობა", ,,ევროპული საქართველო", ,,გირჩი - მეტი თავისუფლებისთვის" და ელენე ხოშტარიას პოლიტიკური მოძრაობა ,,დროა".
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
