უკრაინას შეუძლია თავისი ტერიტორიების, მათ შორის ყირიმის გათავისუფლება ნებისმიერი ინსტრუმენტის გამოყენებით, ასე პასუხობს უკრაინის პრეზიდენტის ოფისის ხელმძღვანელის მრჩეველი, მიხაილ პოდოლიაკი რუსეთის უშიშროების საბჭოს თავმჯდომარის მოადგილეს, დიმიტრი მედვედევს.
„საერთაშორისო სამართალი მკაფიოა, უკრაინის შეუძლია თავისი ტერიტორიების გათავისუფლება ნებისმიერი ინსტრუმენტების გამოყენებით. ყირიმი უკრაინაა. ამიტომ რუსეთის ოფიციალური პირების მუქარები „შურისძიების დარტყმების“ შესახებ არის მხოლოდ მასობრივი მკვლელობების ჩადენის განზრახვის დაფიქსირება და დაშინების მცდელობა რუსეთის ტრადიციულ სტილში. ყოველთვის უგულებელყავით მედვედევი“, – წერს პოდოლიაკი „ტვიტერში“.
შეგახსენებთ, რომ დიმიტრი მედვედევმა განაცხადა, უკრაინის მხრიდან ყირიმზე დარტყმის შემთხვევაში რუსეთი საკუთარ საპასუხო ქმედებებს არ შეზღუდავს და მზად არის, ყველა სახის იარაღი გამოიყენოს.
