აშშ-ის ევროპულმა სარდლობამ ამერიკული უპილოტო საფრენი აპარატის და რუსული ავიაგამანადგურებლების კონტაქტის ამსახველი ვიდეომასალა გამოაქვეყნა

ვიდეომასალა ასახავს კრიტიკულ მომენტებს, რომელიც პენტაგონის ინფორმაციით, 30-40 წუთი გაგრძელდა.

კადრებში ჩანს, როგორ ასხამენ საწვავს რუსული ავიაგამანადგურებლები ამერიკულ უპილოტო თვითმფრინავს. აშშ-ის ევროპული სარდლობის ინფორმაციით, ამის შემდეგ უპილოტო აპარატიდან მიღებული ვიდეო იშლება, როდესაც რუსული გამანადგურებელი აპარატს ეჯახება და მის პროპელერს აზიანებს.