რუსთაველის თეატრში ზაურ ბოლქვაძის იუბილესადმი მიძღვნილი საღამო გაიმართა
03.04.2023 ნახვები: 1085
რუსთაველის თეატრში ზაურ ბოლქვაძის იუბილესადმი მიძღვნილი საღამო გაიმართა. ქართველ პოეტს, იუმორისტს, ჟურნალ "ნიანგის" რედაქტორს 90 წელი შეუსრულდებოდა.
საღამოში მონაწილეობა რუსთაველის თეატრის მსახიობებმა მიიღეს.
მაყურებლის წინ, პოეტის შვილი, ცნობილი პიანისტი ელისო ბოლქვაძე წარსდგა. პიანისტმა, ნანა ფაჩუაშვილისა და მურმან ჯინორიას გამოსვლების პარალელურად, როიალთან რამდენიმე მუსიკალური ნაწარმოები შეასრულა.
საღამოზე ზაურ ბოლქვაძის მიერ შემქნილი ლექსების სასიმღერო ვერსიებიც გაჟღერდა.
ღონისძიება საქართველოს კულტურის სამინისტროსა და ქალაქ თბილისი მერიის მხარდაჭერით გაიმართა.
იუბილეს ზაურ ბოლქვაძის ახლობლები, მეგობრები, თეატრალური საზოგადოების წარმოამდგენლები, პოეტები, საკანონმდებლო და აღმასრულებელი ხელისუფლების წარმომადგენლებიც ესწრებოდნენ.
