პენიტენციური სამსახური ბრალდებას უარყოფს, მან ისარგებლა საპარიკმახერო მომსახურებით - რა წერია განცხადებაში?!
04.04.2023 ნახვები: 1176
"სპეციალური პენიტენციური სამსახურის განცხადება
2023 წლის 31 მარტს, 11:00 საათზე, N8 პენიტენციურ დაწესებულებაში შემოსახლებულ იქნა ბრალდებული ლ.გ.
დაწესებულებაში მიღებისას ბრალდებული გაეცნო მის უფლებებსა და მოვალეობებს, მათ შორის, საპარიკმახერო მომსახურებით სარგებლობის უფლებას.
მან ისარგებლა პატიმრობის კოდექსის 21-ე მუხლით გათვალისწინებული საპარიკმახერო მომსახურების უფლებით.
სიმართლეს არ შეესაბამება ინფორმაცია, თითქოს მას თმა მთლიანად გადაპარსეს, მითუმეტეს მისი ნების საწინააღმდეგოდ.
ტყუილია გავრცელებული ინფორმაცია იმის შესახებ, თითქოსდა მასთან არ შეუშვეს ადვოკატი. ბრალდებულ ლ. გ-ს დაცვის უფლება, ისევე როგორც ნებისმიერი პატიმრის, სრულად გარანტირებულია პენიტენციურ დაწესებულებებში. ბრალდებული დაწესებულებაში მოთავსების დღესვე, 2023 წლის 31 მარტს, 21:50 საათზე, მოინახულა სახალხო დამცველის აპარატის წარმომადგენელმა.", -წერია სპეციალური პენიტენციური სამსახურის განცხადებაში
