68 წლის ასაკში, რამდენიმე თვიანი ავადმყოფობის შემდეგ, მსახიობი, რეჟისორი, ხელოვნების უნივერსიტეტის კინო-ტელე ხელოვნების დეპარტამენტის ასოცირებული პროფესორი ზურაბ ქავთარაძე გარდაიცვალა.
ის ბოლო ერთი თვის განმავლობაში „კოვიდ-19"-ზე კლინიკაში მკურნალობდა.
ზურაბ ქავთარაძე 1996 წლიდან ბათუმის დრამატული თეატრის მსახიობი იყო.
დაიბადა 1953 წლის 2 იანვარს. 1983 წელს დაამთავრა თბილისის თეატრალური ინსტიტუტის სამსახიობო ფაკულტეტი. 2002 წელს დაამთავრა ბათუმის ხელოვნების უნივერსიტეტის კინო სარეჟისორო ფაკულტეტი, მხატვრული კინოს სპეციალობით.
ქავთარაძეს 2005 წელს საქართველოს თეატრის მოღვაწეთა კავშირის საპატიო სიგელი აქვს მიღებული ბათუმის დრამატულ თეატრში შემოქმედებითი მოღვაწეობისათვის.
გადაღებულია ფილმებში:
„მონანიება"; "წიგნი ფიცისა"; ,,ოჰ, ეს საზიზღარი ტელევიზორი"; „ჭერი"; „მოვკლათ მეფე"; „ნეილონის ნაძვის ხე"; „ვირთხა"; „უძინართა მზე"; „იავნანამ რა ჰქმნა"; „ლეონარდო"; „იღბლიანი"; ,,იყო და არა იყო რა"; „ჩიხი"; „ცხელი ძაღლი"; „დუბ D"; „ახლობელი მტერი"; „თორმეტი მსაჯული"; „ბოლო სადგური"; „სოლომონი"; „კაცი"; „ნამე".
გადაღებული აქვს ფილმები: „ჰომოსაპიენსები"; "ტრიუმფი", "დუბლ D", "ტაო-კლარჯეთი", "კიშინოვური პორტრეტები", "ჭალას ჩიტი მომკვდარიყო", "კულისებიდან კულისებში", "ბათუმი-ტრაპიზონი-ბათუმი", "იყო და არა იყო რა"; ,,კომენტარის გარეშე"; „ბათუმური ქრონიკები"; „ჯვარო მიდიხარ, ჯვარო დაბრუნდები"; „მემთივრეები"; „ზექერია"; „დაკარგული საქართველო"; „ყურმოკრული ამბავი"
