2021 წლის 2 ოქტომბრის ადგილობრივი თვითმმართველობის არჩევნები ოფიციალურად დაიწყო. დღეს საქართველოს მოსახლეობა 64 მერსა და ამავე რაოდენობის საკრებულოს 2068 წევრს აირჩევს.
ქვეყანაში სულ 73 საარჩევნო ოლქი და 3743 უბანია, აქედან, 9 პენიტენციური და 70 პანდემიური კოვიდუბანია.
საარჩევნო უბნებში კენჭისყრა 20:00 საათზე შეწყდება, თუმცა რიგში მდგომ ამომრჩევლებს ხმის მიცემა მაინც შეეძლებათ.
ცესკო-ს ინფორმაციით, 2021 წლის 2 ოქტომბრის მუნიციპალურ არჩევნებზე სულ 3 513 884 ამომრჩეველია რეგისტრირებული.
