რუსეთის საოკუპაციო ძალებმა ხერსონის ოლქში კახოვკის ჰიდროელექტროსადგური ააფეთქეს. ამის შესახებ ინფორმაციას სამხრეთის ოპერატიული სარდლობა და ხერსონის საოლქო ადმინისტრაციის ხელმძღვანელი ალექსანდრ პროკუდინი ავრცელებენ.
პროკუდინის თქმით, საშიში რაიონებიდან დაწყებულია ადგილობრივი მოსახლების ევაკუაცია.
„ამჟამად ზუსტდება ნგრევის მასშტაბი, წყლის სიჩქარე და მოცულობა, დატბორვის სავარაუდო რაიონები. ყველა სამსახური მუშაობს. მიმდინარეობს სიტუაციის მონიტორინგი“, – ნათქვამია სამხრეთის ოპერატიული სარდლობის განცხადებაში.
რუსეთის ძალების მიერ კახოვკის ჰიდროელექტროსადგურის კაშხლის აფეთქების გამო, უკრაინის პრეზიდენტი ეროვნული უსაფრთხოებისა და თავდაცვის საბჭოს საგანგებო სხდომას იწვევს. ამის შესახებ ინფორმაციას საბჭოს მდივანი ოლექსი დანილოვი ავრცელებს.
ქალაქი ნოვო კახოვკა, სადაც კაშხალი მდებარეობს და მდინარე დნეპრის მარცხენა სანაპირო ამჟამად რუსეთის ძალების მიერაა ოკუპირებული.
