„რეალური ვითარება არის ის, რომ ბიძინა ივანიშვილს პანიკური შიში აქვს მიშა სააკაშვილის და ყველანაირად ცდილობს ციხეში, იზოლაციაში მყოფი მიხეილ სააკაშვილი შეზღუდოს," - განაცხადა დღეს, 6 ოქტომბერს, მიხეილ სააკაშვილის ადვოკატმა, ბექა ბასილაიამ.
ბასილაიას თქმითვე, პრემიერ ღარიბაშვილის ღია წერილი „ჭორიკანა, ენატლიკინა, ტუტუცი კაცუნას განცხადებაა," რაზეც სერიოზულ განმარტებას ვერ გააკეთებენ.
„რეალური ვითარება არის ის, რომ ბიძინა ივანიშვილს პანიკური შიში აქვს მიშა სააკაშვილის და ყველანაირად ცდილობს ციხეში, იზოლაციაში მყოფი მიხეილ სააკაშვილი შეზღუდოს, რომ საზოგადოებასთან პირდაპირი კომუნიკაციის შესაძლებლობა არ ჰქონდეს. თუ მაგარი ბიჭები არიან ჩანიშნონ სასამართლო პროცესები", - თქვა ბასილაიამ.
შეგახსენებთ: პრემიერი დღეს გავრცელებულ ღია წერილში მიხეილ სააკაშვილის საქართველოში ჩამოსვლის სხვადასხვა ვერსიებზე იმსჯელა და საბოლოოდ იმ დასკვნამდე მივიდა, რომ მესამე პრეზიდენტი ქვეყანაში არეულობის მოსაწყობად დაბრუნდა.
