"არ აქვს მნიშვნელობა ვის რა პოლიტიკური შეხედულება აქვს. გაერთიანების ნაცვლად ვხედავთ სპეკულაციებს, სიცრუის კამპანიას, მიზანმიმართულად არასწორი ინფორმაციის გავრცელებას," - ეს განცხადება თბილისის მერმა კახა კალაძემ გააკეთა.
კალაძემ შოვში დატრიალებული ტრაგედიით სპეკულირებაში ოპოზიცია კიდევ ერთხელ დაადანაშაულა და აღნიშნა, რომ ოპონენტების მიზანს საზოგადოების შეცდომაში შეყვანა და პოლიტიკური ქულების დაწერა წარმოადგენს.
თუ გაქვს ღამის ხედვის სისტემა, ეს არ ნიშნავს, რომ ნებისმიერ დროს შეიძლება გამოიყენოს ვერტმფრენმა. რა თქმა უნდა, მნიშვნელოვანია ამინდი. ხაზი მინდა გავუსვა, რომ როდესაც ჩვენ ვსაუბრობთ, ღამის ხედვის ტექნოლოგიაზე, ეს არის დრონი, რომელიც ჩვენ შესაბამის სამსახურებს გააჩნია. იცით, რომ ვერტმფრენები შესყიდულია, 2024 წლიდან დაიწყება მათი შემოტანა.
ძალიან ცუდია, როდესაც ვსაუბრობთ ტრაგედიების, სტიქიების პოლიტიკურად გამოყენებასა და სპეკულაციაზე, ეს დამაზიანებელია. პირადად მე და ჩემი ოჯახი აღმოვჩნდით ამ სპეკულაციების დარტყმის ქვეშ. გახსოვთ, კამპანია ჰქონდათ, თითქოს, აღნიშნული ვერტმფრენები, რომელიც სამაშველო სამუშაოებს ახორციელებს შოვში ჩამოვიდა და ჩემი ბავშვები გაიყვანა, ხალხი კი მოატოვა. სიბინძურე წამოვიდა ბოლო დღეების განმავლობაში და არ ვიცი ეს ყველაფერი მიზანმიმართულად ხდებოდა თუ არა. ძალიან მძიმეა, როდესაც ასეთი ფაქტები ფიქსირდება.
სტიქიის, ტრაგედიების დროს, როდესაც ამხელა უბედურება დაატყდა ქვეყანას, მგონია, რომ ყველა უნდა გავერთიანდეთ. არ აქვს მნიშვნელობა ვის რა პოლიტიკური შეხედულება აქვს. გაერთიანების ნაცვლად ვხედავთ სპეკულაციებს, სიცრუის კამპანიას, მიზანმიმართულად არასწორი ინფორმაციის გავრცელებას იმისთვის, რომ საზოგადოება შეცდომაში შეიყვანონ, ვიღაც ცდილობს, რომ ამ ყველაფერზე პოლიტიკური ქულები დაიწეროს," - განაცხადა კალაძემ.
