უკრაინაში დაღუპული ქართველი მებრძოლი, 25 წლის ირაკლი ქურციკიძე დღეს გამთენიისას საქართველოში ჩამოასვენეს.
თბილისის საერთაშორისო აეროპორტში მისი ოჯახის წევრები, მეგობრები, პოლიტიკოსები და ახლობლები იმყოფებოდნენ.
ოჯახის წევრების ინფორმაციით, ირაკლი ქურციკიძე შეტევითი ოპერაციის დროს სამხედრო ტექნიკის აფეთქებას ემსხვერპლა. ქურციკიძე უკრაინაში 2022 წლის მაისიდან იბრძოდა.
2022 წლის თებერვლიდან დღემდე, უკრაინაში, ომში დაღუპულია 50-ზე მეტი ქართველი მოხალისე.
ირაკლი ქურციკიძეს აეროპორტიდან რუსთავში, საცხოვრებელ სახლში გადაასვენებენ და შაბათს დაკრძალავენ.
