„სად არის სიმართლე ვეღარ გავიგე! ეს არის რეალური ტრაგედია", - ამის შესახებ საქართველოს პარლამენტის თავმჯდომარემ კახა კუჭავამ ბიუროს სხდომაზე მიხეილ სააკაშვილის ჰოსპიტალიზაციასთან დაკავშირებით განაცხადა.
კუჭავამ, ოპოზიციონერი ლიდერები ტყუილსა და მანიპულაციაში საკანონმდებლო ორგანოდან დაადანაშაულა.
„სამწუხაროა განცხადებები, რაც ბოლო დღეებში, მათ შორის სხვადასხვა სექტორის წარმომადგენლებისგან გვესმის: - ერთი დღე იყო ძალიან მძიმედ, ცუდად, ვერ დადიოდა, რამდენიმე საათში კარგად გახდა, რადგან სასამართლოზე უნდოდა მონაწილეობის მიღება... სად არის სიმართლე ვეღარ გავიგე! ეს არის რეალური ტრაგედია. ტრაგედიაა, რომ ხდება ფაქტებით მანიპულირება! საერთოდ დაკარგულია გულწრფელობა.
ჩემთან მოდიან, დახმარებას მთხოვენ. როცა მოსული იყო რამდენიმე ოპოზიციური პოლიტიკური პარტიის წარმომადგენელი, მთხოვეს გადაყვანაზე პარლამენტის მხრიდან მეშუამდგომლა - თანახმა იყვნენ გორის ჰოსპიტალზეც. მეორე დღეს ოპოზიციური სპექტრი გამოდის და ამბობს, რომ გორში აპირებენ გადაყვანას და ოსებზე გადაცემასო. თან პრობლემის გადაჭრისთვის ვითომ გზებს გვთავაზობენ და ამავე დროს, ამავე საკითხებით მანიპულირებას ცდილობენ", -განაცხადა კუჭავამ.
