„ვაი პრეზიდენტის განცხადება", - განაცხადა დღეს, 18 ნოემბერს, „ლეიბორისტული პარტიის" ლიდერმა, შალვა ნათელაშვილმა საქართველოს მეხუთე პრეზიდენტის, სალომე ზურაბიშვილის მიერ გუშინ, 17 ნოემბერს მიხეილ სააკაშვილზე გაკეთებული განცხადების კომენტირებისას.
ნათელაშვილის თქმით, პრეზიდენტის განცხადება მორიგი უპასუხისმგებლობაა, რადგან ზურაბიშვილმა დაგმო არა მესამე პრეზიდენტის მიერ ციხეში განხორციელებული ძალადობა, არამედ ამ ფაქტის გახმოვანება.
„ვაი პრეზიდენტის განცხადება არის მორიგი უპასუხისმგებლო გამოვლინება. მან დაგმო არა მომხდარი ქმედება, არამედ მისი გახმაურება და გამომჟღავნება, ფაქტობრივად განაცხადა, რომ შესაძლებელია ათრიონ ექსპრეზიდენტი იატაკზე, ოღონდ ეს არ უნდა გახმაურდეს. რაც შეეხება მისი მიმართულების ცვლილებებს, ნუ დაიჯერებთ, რომ მან შეიცვალა პოზიცია, ის მთლიანად დამოკიდებულია ბიძინა ივანიშვილის განკარგულებებზე ამიტომ ის საკუთარ შეხედულებებს ვერ ახმოვანებს", - განაცხადა ნათელაშვილმა
